கர்த்தரை அறிந்த முதல் தலைமுறையில் உள்ள ஒருவர், தான் ஊழியத்திற்கு அழைக்கப்பட்டதாக உணர்ந்தார். ஒரு போதகர் அவரை உதவியாளராக அழைத்தார். ஆனால் மூன்று அல்லது நான்கு வாரங்களுக்குள்ளாக அவர் அங்கிருந்து ஓடிப்போனார். அவர் அந்த அனுபவத்தை இவ்வாறு சுருக்கமாக கூறினார்; “எனக்கு எந்த ஊழியப் பணியும் இல்லை; போதகர், அவரின் மனைவி (அவர் ஒரு நர்ஸ்), அவர்களின் மகள் ஆகியோருக்கான துணிகளை துவைப்பது, சிறிது சமையல் செய்வது, வீடு சுத்தம் செய்வது போன்ற வேலைகள்தான் இருந்தது. வேதாகமத்தைக் கற்பதற்கோ அல்லது நடைமுறை ஊழியத்தில் ஈடுபடுவதற்கோ எந்த வழிகாட்டுதலும் இல்லை”. அந்த போதகரிடம் இதை பற்றி கேள்வி எழுப்பப்பட்டபோது, அவர் “எலிசா, எலியாவைச் சேவித்தான்; அதுபோல, ஊழியத்திற்கு வருகிறவர்கள் அனைவரும் எலிசா போல் ஊழியம் செய்யவேண்டும்” என்று (2 இராஜாக்கள் 3:11) வசனத்தை மேற்கோளாகக் கூறினார். தேவ கிருபையால், அந்த இளைஞன் பிறகு பயிற்சி பெற்று வேதாகம மொழிபெயர்ப்பாளராக ஆனார். ஆனால் பலருக்கு அந்த மாதிரியான வாய்ப்புகள் கிடைப்பதில்லை. எலியா எலிசாவை மிகவும் மோசமாக நடத்தினார் அல்லது சுரண்டினார் என்று கருதுவது தவறு.
பிரகடனப்படுத்தப்பட்ட வாரிசு:
எலியா மனச்சோர்வை அனுபவித்து மரணத்தை விரும்பினார்; ஆனால் கர்த்தர் அவரோடு பேசினார் மற்றும் அவருக்குப் புதிய பொறுப்புகளை அளித்தார். அதில் ஒன்றாக, எலிசாவை தீர்க்கதரிசியாக அழைக்க வேண்டும் என்ற உத்தரவு இருந்தது. ஆகையால், எலியா தேவனின் அழைப்பை ஏற்று, எலிசாவை தன் வாரிசாக அழைத்தார். எலிசா தன் நிலத்தை உழுது கொண்டிருந்தபோது, எலியா அவரைக் கண்டார்; தன் மேலங்கியை எலிசாவின் மீது போடுவதன் மூலம், அவரைத் தன் பின் தொடர்வராகக் குறித்தார். பின்னர் எலிசா தன் ஏருதைகளை அறுத்து, உழவு கருவிகளை எரிபொருளாகப் பயன்படுத்தி விருந்து ஏற்பாடு செய்தார்; அதற்குப் பின் எலியாவைத் தொடர்ந்து சென்றார் (1 இராஜாக்கள் 19:19–21). எலியா, எலிசாவை மரியாதையுடன் நடத்தினார்.
பயணத் துணைவர்:
எலிசா, எலியாவுடன் சேர்ந்து ஊழியத்தில் ஈடுபட்டார். அதைப் போலவே பவுலும் இளைஞர்களைத் தம்முடன் ஊழியத்திற்குக் கூட்டிச் சென்றார். பவுல் தினமும் திறன்னு என்னும் வித்தியாசாலையிலே பேசிக்கொண்டிருந்தபோது, மதிய இடைவெளிகளில் கூட தன் கூடாரத் தயாரிப்பு வேலையைச் செய்தார்; அப்போது தீமோத்தேயுவும் அவருடன் இருந்தார் (அப்போ. 19:9, 23). தீமோத்தேயு முழுநேர உதவியாளராக இருந்தாரா? என்றால் இல்லை; அவர் போதிக்கவில்லை, ஆனால் ஏற்பாடுகளை கவனித்து, பவுலின் போதனைகளை கேட்டு, அவரிடமிருந்து கற்றுக்கொண்டார். பின்னர் பவுல் அவரை முக்கியப் பணிகளுக்கு அனுப்பி, அவர் தங்கியிருந்த வீட்டாரிடம் அவரை மரியாதையுடன் நடத்தும்படி கேட்டார் (1 கொரிந்தியர் 16:11).
ஆவல்:
எலிசா பெற்ற பயிற்சி குறிப்பிடத்தக்கது. எலியாவின் மேல் இருந்த அபிஷேகத்தின் இரட்டிப்பு பங்கைக் கேட்டார் (2 இராஜாக்கள் 2:9). இது எலியா அவருக்கு அளித்த பயிற்சி, நம்பிக்கை, தரிசனம் மற்றும் ஆவலை வெளிப்படுத்துகிறது.
நான் மற்றவர்களுக்கு அதிகாரம் அளிக்கிறேனா அல்லது சுரண்டுகிறேனா?
Rev. Dr. J.N. Manokaran