பூங்காக்கள், வணிக வளாகங்கள், ரயில் நிலையங்களின் காத்திருப்பு அரங்குகள், விமான நிலையங்கள் என போன்ற இடங்களில் எல்லாம் பார்த்தால், ஆயிரக்கணக்கான மக்கள் தங்கள் ஸ்மார்ட்போன்களை வெறித்துப் பார்த்துக் கொண்டிருப்பதை காணலாம். அவர்களில் பெரும்பாலோர் எதையும் சிந்திக்காமல் விரல்களால் தினமும் 300–400 அடி அளவிற்கு ஸ்க்ரோல் செய்து கொண்டிருக்கிறார்கள். சிலர் காதுகளில் இயர்போன் அணிந்து குறும்படங்கள், நகைச்சுவை வீடியோக்கள் அல்லது திரைப்படங்களைப் பார்த்துக் கொண்டிருக்கிறார்கள். அவர்கள் அனைவரும் ஆழ்ந்து சிந்திக்காத, தேர்ந்து பயன்படுத்தாத, சும்மா உட்கொள்ளும் பயனாளர்கள். அதாவது செயலற்ற நுகர்வோரே தவிர, பகுத்தறியும் பயனர்கள் அல்ல. “புத்திமானுடைய மனம் அறிவைத்தேடும்; மூடரின் வாயோ மதியீனத்தை மேயும்” (நீதிமொழிகள் 15:14).
ஜீரண / செரிமான மண்டலம் (Digestive System):
மனித உடலின் ஜீரண மண்டலத்தில், நாம் உண்ணும் உணவு கரைக்கப்படுகிறது. அதில் இருந்து சக்தி அளிக்கும் சத்துக்கள் பிரிக்கப்பட்டு, இரத்த ஓட்டத்தின் மூலம் உடலின் எல்லா பகுதிகளுக்கும் கொண்டு செல்லப்படுகின்றன. தேவையற்ற கழிவுகள் சிறுநீரகங்கள் மற்றும் பிற வெளியேற்றும் உறுப்புகள் மூலம் வெளியேற்றப்படுகின்றன. இந்த செயல்கள் அனைத்தும் நம்முடைய அறிவுப்பூர்வமான முயற்சியின்றி தானாக நடைபெறுகின்றன.
சிந்தனைகளுக்கு ஜீரண மண்டலமா?
ஆனால் சிந்தனைகளுக்கு இப்படியான தானியங்கி ஜீரண மண்டலம் இல்லை. நல்ல சிந்தனைகளையும் தீய சிந்தனைகளையும் தானாகப் பிரித்தெடுக்கும் அமைப்பு மனதில் இல்லை. அதனால், எந்த சிந்தனைகள் மனதுக்குள் அனுமதிக்கப்பட வேண்டும் என்பதைக் கவனமாக மதிப்பீடு செய்து, பரிசோதித்து, தேர்ந்தெடுக்க வேண்டும்.
பின்பற்றுபவர்களா? மீட்பாளர்களா?
பெரும்பாலான மக்கள் இந்த உலகத்தின் போக்குகள், பாரம்பரியங்கள், ஃபேஷன்கள், நடைமுறைகள், சடங்குகள் மற்றும் பழக்கவழக்கங்களை சிந்தனையின்றி பின்பற்றுகிறார்கள். ஆனால், அப்போஸ்தலனாகிய பவுல்,
உலகத்தின் ஞானத்திற்கு அடிமையாகாமல், வேதசத்தியங்களால் மனதைப் புதுப்பித்து, சிந்தனைகளை மீட்டெடுக்க வேண்டும் என்று விசுவாசிகளை உபதேசிக்கிறார்
(ரோமர் 12:1; 1 கொரிந்தியர் 3:19).
வடிகட்டிகள் (Filters):
ஸ்மார்ட்போன்கள் மற்றும் சமூக ஊடகங்கள் வழியாக மனதுக்குள் புகும் பல விஷயங்களை வடிகட்டி நிறுத்துவது மிகவும் அவசியம். முதலில், விவேகம் (Discernment):
ஆவிக்குரிய விவேகம், சாத்தான் மறைவாக வைத்திருக்கும் கண்ணிகளை அடையாளம் காண உதவுகிறது. அவை மனதை மந்தமாக்கி, விசுவாசியின் ஆவிக்குரிய சக்தியை உறிஞ்சுகின்றன.
இரண்டாவது, தீர்மானம் (Determination):
யோபு, தீய ஆசையுடன் பெண்களை நோக்காமல் இருக்க தனது கண்களுடன் உடன்படிக்கை செய்தார் (யோபு 31:1). தானியேல், விக்கிரகங்களுக்கு அர்ப்பணிக்கப்பட்ட அரசனின் உணவை உண்ணாதிருக்க உறுதி செய்தார் (தானியேல் 1:8).
மூன்றாவது, அணுகலை மறுத்தல்:
ஒரு சீஷனின் ஆவிக்குரிய வாழ்க்கையை அழிக்கக்கூடிய
அனைத்து தீய கருவிகளுக்கும் மனதின் கதவுகளை மூட வேண்டும்.
நான்காவது, அகற்றுதல் (Delete):
பழைய, தெய்வமற்ற, வேதாகமத்திற்கு விரோதமான, மதிப்பற்ற சிந்தனைகள் மற்றும் கருத்துகளை மனதிலிருந்து முற்றிலும் நீக்க வேண்டும்.
*பரிசுத்தமான வாழ்க்கையை நடத்த,
என் மனதிற்குள் நுழையும் விஷயங்களை நான் உண்மையாகவே வடிகட்டுகிறேனா?*
Rev. Dr. J.N. Manokaran