எருசலேம் நகரத்தின் பிரதான சாலையில் மக்கள் ஓடிக்கொண்டிருந்தனர். ஏதோ விசித்திரமாக நடந்துவிட்டது என்று அவர்கள் கூச்சலிட்டனர். நூற்றுக்கும் மேற்பட்ட ஆண்கள் மற்றும் பெண்கள் மயக்கமடைந்தனர் ஆனால் மரணிக்கவில்லை என்பதாக செய்தி ஒன்று வேகமாகப் பரவியது. அதாவது அவர்கள் சில நாட்களுக்கு முன்பு மரித்த இயேசுவின் சீஷர்கள். நாம் தேவனுக்கு தான் நன்றி சொல்ல வேண்டும்; அவர்கள் நவீன நாட்களைப் போல ஏதோ ஒரு ஆவியால் மரணிக்கவில்லை, ஆனால் பரிசுத்த ஆவியால் நிரப்பப்பட்டவர்களாக இருந்தனர். மேலும் அவர்கள் தேவனை மகிமைப்படுத்தும் அந்நியபாஷைகளில் பேசினார்கள்.
வாக்குத்தத்தம்:
உயிர்த்தெழுந்த கர்த்தர் தம்முடைய சீஷர்களிடம் பேசி அவர்களுக்கு வாக்குறுதி அளித்தார்: “பரிசுத்த ஆவியானவர் உங்களிடம் வருவார். வரும்போது நீங்கள் வல்லமையைப் பெறுவீர்கள். நீங்கள் எனது சாட்சிகளாக இருப்பீர்கள். மக்களுக்கு என்னைப்பற்றிக் கூறுவீர்கள். முதலில் எருசலேமின் மக்களுக்குக் கூறுவீர்கள். பின் யூதேயா முழுவதும். சமாரியாவிலும், உலகத்தின் எல்லாப் பகுதியிலும் நீங்கள் மக்களுக்குக் கூறுவீர்கள் என்றார்” (அப்போஸ்தலர் 1:8).
வல்லமையா அல்லது சக்தியின்மையா:
சீஷர்கள் தம்முடைய சாட்சிகளாக இருக்க வல்லமை அல்லது தைரியம் அல்லது துணிவைப் பெறுவார்கள் என்று கர்த்தர் வாக்குறுதி அளித்தார். ஆவிக்குள்ளாக மரணித்தல் என்பது தரையில் விழுவதைக் குறிக்கிறது, பெரும்பாலும் பின்னோக்கி விழுவதும், மயக்கமடைவதும் ஆகும். அது சக்தியின்மை. சாட்சி கொடுப்பது என்பது கவனக்குறைவான வேலை அல்ல, மாறாக தைரியமாக நற்செய்தியை அறிவிப்பதாகும்.
பின்னோக்கி விழுதல்:
துன்மார்க்கரும் அவிசுவாசிகளும் மட்டுமே பின்னோக்கி விழுகின்றனர். இரவில் தீப்பந்தங்கள், தண்டுகள் மற்றும் வாள்களுடன் கர்த்தரைக் கைது செய்ய வந்த வீரர்கள். கர்த்தர் "நானே அவர்" என்று சொன்னபோது, தேவ வல்லமை உடனடியாக வெளியிடப்பட்டது, அவர்கள் அதிர்ச்சியடைந்து, திகைத்து, பின்வாங்கித் தரையில் விழுந்தார்கள். 300 முதல் 600 வரையில் எண்ணிக்கையிலான வீரர்கள் அனைவரும் பின்னோக்கி விழுந்து தரையில் கிடந்தனர் (யோவான் 18:6).
எழுந்திரு!
தேவனுடைய ஆவி ஒரு நபருக்கு அதிகாரம் அளிக்கிறது. சத்தியம், நீதி, அன்பு, இரக்கம் மற்றும் பரிசுத்தத்திற்காக எழுந்து நிற்க தைரியத்தை அளிக்கிறது. இஸ்ரவேலின் தோல்வியைக் கண்டு துக்கப்படும்போது, யோசுவாவை எழுந்து நிற்கும்படி தேவன் கட்டளையிட்டார் (யோசுவா 7:1). பவுல் சீஷர்களை கர்த்தரின் வல்லமையுடன் எழுந்து நிற்கும்படி அறிவுறுத்துகிறார் (எபேசியர் 6:10).
வல்லமையுள்ள சாட்சி:
பெந்தெகொஸ்தே நாளில், சீஷர்கள் தேவ ஆவியைப் பெற்று அவர்கள் நிரம்பிய போது, அவர்கள் பல்வேறு மொழிகளில் தேவ மகிமையைப் பற்றிப் பேசினார்கள், அதை தொலைதூர நாடுகளிலிருந்து கூடியிருந்த அனைவரும் புரிந்து கொள்ள முடிந்தது. மூன்று முறை கர்த்தரை மறுதலிக்கும் அளவுக்கு கோழைத்தனமாக இருந்த பேதுரு, தைரியமாக எழுந்து நின்று யூதக் கூட்டத்தினரை நற்செய்தியுடன் எதிர்கொண்டார்.
ஒரு தைரியமான சாட்சியாக இருக்க எனக்கு ஆவியானவர் அதிகாரம் அளித்திருக்கிறாரா? நம் ஆவியின் நிலையைக் குறித்து நம்மை நாமே ஆராய்வோம்.
Rev. Dr. J.N. Manokaran